Յանա Եգորյանն առաջարկել է տեղ հասցնել Դմիտրի Մեդվեդևին

ՌԴ վարչապետ Դմիտրի Մեդվեդևը Ռիոյի օլիմպիական մեդալակիրների հետ զննել է BMW մակնիշի սպիտակ արտաճանապարհայինները, որոնք նվիրել են մարզիկներին: Lenta.ru-ի հաղորդմամբ` մրցանակների հանձնման հանդիսավոր արարողությունը տեղի է ունեցել Կրեմլի   հրապարակում: Կառավարության ղեկավարը գնահատել է Ռիոյի Օլիմպիական խաղերի սուսերամարտի կրկնակի չեմպիոնուհի Յանա Եգորյանի մեքենան, ինչպես նաև սինքրոն լողի կրկնակի չեմպիոնուհիներ Նատալյա Իշչենկոյի և Սվետլանա Ռոմաշինայի մեքենաները: Մեդվեդևի գովեստի խոսքերից հետո Եգորյանն առաջարկել է Մեդվեդևին տեղ հասցնել իր նոր BMW X6 մեքենայով: Կառավարության ղեկավարը նախ համաձայնել է սուսերամարտուհու առաջարկին, սակայն ավելի ուշ Կարմիր հրապարակից հեռացել է սեփական ավտոշարասյունով: