Ուկրաինայում գրիպի համաճարակ է սկսվել. ԱՆ

Ուկրաինայում գրիպի համաճարակ է սկսվել: Այս մասին այսօր մամլո ասուլիսի ժամանակ հայտարարել է Ուկրաինայի առողջապահության նախարար Ալեքսանդր Կվիտաշվիլին, հայտնում է korrespondent.net-ը: «Ինչպես և սպասում էինք, համաճարակի շեմը գերազանցվել է 18 մարզերում, ընդ որում, 11 մարզերում համաճարակային շեմը գերազանցվել է 50%-ով: Առավել բարձր մակարդակ դիտվում է Ռովենսկի մարզում, առավել ցածր՝ Խարկովի»,- ընդգծել է Կվիտաշվիլին: Ուկրաինայի առողջապահության նախարարի խոսքով՝ 2015թ. հոկտեմբերի 1-ից 2016թ. հունվարի 18-ը երկրում գրիպից մահացել է 83 մարդ: Մահվան առավել շատ թվով դեպքերը գրանցվել են Օդեսայի մարզում՝ 26 մահ: