Ռուսաստանը փոխհատուցում կստանա՞ Թուրքիայից. Ահմեդ Դաքան մանրամասներ է ներկայացրել

Թուրքիայի նախկին նախագահ Աբդուլա Գյուլի խորհրդական Ահմեդ Դաքանն իր հոդվածում որոշ մանրամասներ է ներկայացրել ռուսական Սու-24-ի խոցման համար Ռուսաստանին տրամադրվելիք փոխհատուցման մասին: Cumhuriyet-ի հաղորդմամբ՝ Ահմեդ Դաքանի խոսքով Ռուսաստանը կարող է 5 միլիարդ դոլարի փոխհատուցում ստանալ, սակայն Ռուսաստանի հետ հաշտեցման գործընթացն ընթանում է «գաղտնիության» պայմաններում: «Երբ ես դիվանագետներից լսեցի, թե որքան գումար պետք է վճարի Թուրքիան Ռուսաստանին, չհավատացի սեփական ականջներիս: Խոցված ռուսական ինքնաթիռի համար մենք 5 միլիարդ դոլար կվճարենք»,-գրել է Դաքանը: Հիշեցնենք, որ Թուրքիայի վարչապետ Բինալի Յըլդըրըմը հայտարարել էր, որ անհրաժեշտության դեպքում Թուրքիան փոխհատուցում կվճարի: