ԶԼՄ-ներ. «Բոկո հարամի» պարագլուխը մահացու վիրավորվել է
Նիգերիայի ռազմաօդային ուժերը հարված են հասցրել «Բոկո հարամ» արմատական խմբավորման դիրքերին, ինչի հետեւանքով սպանվել են դաշտային մի քանի հրամանատարներ, իսկ խմբավորման պարագլուխ Աբուբաքար Շեկաուն մահացու վիրավորվել Է: Այդ մասին, օգոստոսի 23-ին հայտնել Է Reuters գործակալությունը՝ վկայակոչելով ռազմաօդային ուժերի մամուլի ծառայությունը: «Բոկո հարամը» իսմլամիստական խմբավորում Է, որը գործում Է Նիգերիայի հյուսիսում եւ հյուսիս-արեւելքում: Նրա զինյալները հարձակումներ են կատարում նաեւ Նիգերում, Կամերունում եւ Չադում: «Բոկո հարամը» ձգտում Է իսլամական խալիֆաթ ստեղծել Նիգերիայի ամբողջ տարածքում եւ այստեղ հաստատել շարիաթի (իսլամական իրավունքի) նորմերը: Խմբավորումը դեմ Է արեւմտյան կրթությանը, ժողովրդավարությանը եւ իշխանությունների բաժանման սկզբունքին, ինչպես նաեւ արեւմտյան հագուստ կրելուն եւ իսլամական մշակույթին խորթ այլ տարրերի, հաղորդել Է ՏԱՍՍ գործակալությունը:
Հետևեք մեզ Viber-ում
