Ադրբեջանում որդին գնդակահարել է հորը

Ադրբեջանի Յարդըմլըի շրջանի Ալար գյուղում 17­-ամյա Գաչայ Շահվերենովը որսորդական հրացանով գնդակահարել է իր հարազատ հորը` 44­-ամյա Նադիր Շահվերենովին: Այս մասին, ինչպես հաղորդում է «Արմենպրես»-­ը, հայտնում է APA լրատվական գործակալությունը` նշելով, որ տղամարդը ստացած վերքերից տեղում մահացել է: Նախնական տեղեկություններով` սպանությունը կատարվել է ընտանեկան վիճաբանության հողի վրա: Փաստի առնչությամբ Յարդըմլըի դատախազությունը քրեական գործ է հարուցել, կատարվում է հետաքննություն: Ադրբեջանական ԶԼՄ­-ների համաձայն` 2016 թվականի սկզբից մինչ այժմ Ադրբեջանում մայրասպանության 2, հայրասպանության 2, հարազատների միմյանց սպանության 36, ամուսինների միմյանց սպանության 30, զավակի սպանության 11 դեպք է տեղի ունեցել: