Կառլ Բիլդտը կարող է նշանակվել Ուկրաինայի վարչապետ

«Գլավկոմ» պարբերականը՝ հղում կատարելով երկրի նախագահի ադմինիստրացիայում իր աղբյուրին հայտնում է,որ  Ուկրաինայի կառավարությունը Արսենի Յացենյուկի փոխարեն կարող է գլխավորել Շվեդիայի վարչապետ Կառլ Բիլդտը: Բիլդտի նշանակումը  Կիևին թույլ կտար բանակցություններ վարել միջազգային վարկատուների հետ, ինչպես նաև թույլ կտար նախագահ Պյոտր Պորոշենկոյին մեծ վերահսկողություն սահմանել կառավարության նկատմամբ: Նման կադրային ընտրությունը կարող էր իշխանություններին օգնել Ուկրաինայի բարեփոխումների պատասխանատվության մի մասը գցել Արևմուտքի վրա: Ընդ որում՝ Շվեդիայի նախկին վարչապետը չի կարող քաղաքական մրցակից լինել Պորոշենկոյի համար: Միևնույն ժամանակ, Բիլդտի նշանակումը Ուկրաինայի վարչապետի պաշտոնում կարող է բացասական ռեակցիա առաջացնել հասարակության հայրենասիրական տրամադրություններով մասի մոտ: Բացի այդ, Բիլդտին դժվար կլինի յուրացնել ուկրաինական քաղաքականության տարրերը, արձանագրում է «Գլավկոմը»: