Ուկրաինա-բեռալուսական սահմանին ապաստան է խնդրել հայտնի ռուսաստանցի գրող

Ուկրաինայի պետական սահմանապահ ծառայությունը հայտնում է, որ ուկրաինա-բեռալուսական սահմանին ապաստան է խնդրել հայտնի ռուսաստանցի գրող եւ հանրային գործիչ: Սահմանապահ ծառայության կայքում նրա անունը չի նշվում: Ինչպես հայտնում է Gazeta.ru-ն, Ուկրաինայի պետական սահմանապահ ծառայության պաշտոնական կայքում մասնավորապես նշում է. «Այսօր, «Новые Яриловичи» անցակետում, սահմանը հատելիս քաղաքական ապաստան է խնդրել Ռուսաստանի քաղաքացի: Նա դիմել է սահմանապահ ծառայություններին՝ Ուկրաինայում ապաստան ստանալու խնդրանքով, քանի որ հետապնդվում է Ռուսաստանում», - ասվում է գերատեսչության կայքում: Նշվում է, որ նա հանդիսանում է հայտնի գրող եւ հանրային գործիչ, ով իրականացնում էր ակտիվ ընդդիմադիր աշխատանք: Նրա հետ արդեն աշխատում է Ուկրաինայի միգրացիոն ծառայությունը: