Մոսկվայում բանկ են թալանել

Մոսկվայի հյուսիս-արևելքում ատրճանակով զինված անհայտ անձը բանկ է թալանել` գողանալով 21 միլիոն ռուբլի: Այս մասին РИА Новости-ին հայտնել է Ներքին գործերի նախարարության մայրաքաղաքային վարչության մամուլի ծառայությունը: «Օգոստոսի 20-ի մոտավորապես ժամը 19:00-ին Մոսկվայի հյուսիս-արևելքում գտնվող բանկի պահակն ահազանգել է զինված հարձակման մասին: Դեպքի վայր ժամանած ոստիկանության աշխատակիցները պարզել են, որ անհայտ անձը նշված բանկի տարածք է մուտք գործել ժամը 18:45-ին, ատրճանակի նման առարկայով սպառնալով կապկպել է հիմնարկի աշխատակիցներին, բացել սեյֆը, մոտ 21 միլիոն ռուբլի վերցրել և անհետացել»,- պատմել է գործակալության զրուցակիցը: