Էրդողանը վստահեցրել է, որ չի ճանաչում «Ղրիմի օկուպացիան»

Ուկրաինայի եւ Թուրքիայի նախագահներ Պյոտր Պորոշենկոն եւ Ռեջեփ Թայիփ Էրդողանը, ինչպես հայտնում է РБК-ն, բանակցություններ են վարել, որի ընթացքում Թուրքիայի առաջնորդը հայտարարել է, որ աջակցում է Ուկրաինայի տարածքային ամբողջականությանը եւ չի ճանաչում «Ղրմի օկուպացիան»: Ուկրաինայի նախագահի պաշտոնական կայքի տարածած հաղորդագրության համաձայն, Պորոշենկոն աջակցություն է հայտնել Էրդողանին Թուրքիայում հուլիսի կեսերին չհաջողված ռազմական հեղաշրջման փորձի համատեքստում: Իր հերթին Էրդողանը հավաստիացրել է Պորոշենկոյին, որ Թրուքիայի դիրքորոշումը «Ուրաինայի միջազգային ճանաչված սհամաններում տարածքային ամբողջականության ու անկախության վերաբերյալ» չի փոխվել: «Թուրքիայի նախագահը նաեւ հայտնել է, որ Անկարան չի ճանաչում Ղրիմի օկուպացիան եւ շարունակելու է ամեն կերպ աջակցել Ղրիմի թաթարներին», - ասված է հաղորդագրության մեջ: Երկու երկրների նախագահները նաեւ պայմանավորվել են շարունակել ստրատեգիական համագործակցության խորացումը եւ «առանձնակի ուշադրություն են դարձրել էներգետիկ ոլորտում համագործակցության զարգացմանը»: Ղրիմը մտել է Ռուսաստանի կազմ 2014 թ.-ին գարնանը թերակղզում տեղի ունեցած հանրաքվեի արդյունքում: Պաշտոնական Կիեւը չի ճանաչում հանրաքվեի արդյունքները եւ մեղադրում է Ռուսաստանին Ղրիմի «օկուպացիայի» մեջ: Մոսկվան այդ մեղադրանքները հերքում է: