Ֆիլիպինների նախագահը հայտարարել է, որ իր իր երկիրը կարող է դուրս գալ ՄԱԿ-ի կազմից
Ֆիլիպինների նախագահ Ռոդրիգո Դուտերեն հայտարարել է, որ իր իր երկիրը կարող է դուրս գալ ՄԱԿ-ի կազմից, որովհետեւ կազմակերպությունը մեղադրել է իրեն միջազգային իրավունքի խախտման մեջ, հայտնում է «Բի-բի-սի»-ն: Անցած ուրբաթ՝ օգոստոսի 19-ին, ՄԱԿ-ի արտադատարանական մահապատիժների հարցերով հատուկ զեկուցողը հայտարարել էր, որ Դուտերեի՝ թմրամիջոցների դեմ պայքարի արշավի շրջանակներում, ենթադրյալ նորկոդիլերներին սպանելու կոչերը «անպատասխանատու են եւ չափից դուրս», ինչը հավասարազոր է հանցագործության: ՄԱԿ-ի տվյալներով, Դուտերեի մայիս ամսից նախագահի պաշտոնը ստանձնելուց ի վեր թմրամիջոցների դեմ պայքարի շրջանակներում ոստիկանության աշխատակիցները սպանել են ավելի քան 800 մարդու: «Հնարավոր է, մեզ պետք է առանձնանալ ՄԱԿ-ից: Ինչո՞ւ պետք է լսենք այդ հիմարությունները», - ասել է Ռոդրիգո Դուտերեն մամուլի ասուլիսի ժամանակ՝ մեղադրելով ՄԱԿ-ին Սրիայում եւ Իրաքում ռազմական կենֆլիկտների, ահաբեկչության ու սովի դեմ պայքարում անկարողության մեջ: Միեւնույն ժամանակ նա նշել է, որ կարող է առաջարկել Չինաստանին եւ Աֆրիկայի երկրներին ստեղծել նոր գոլբալ միջազգային կառույց:
Հետևեք մեզ Viber-ում
