Վանի նահանգում պայթեցրել են զինվորականների փոխադրամիջոցը

Son dakika լրատվական կայքի փոխանցմամբ՝ «Քրդստանի աշխատավորական» կուսակցության (PKK) զինյալները ռազմական փոխադրամիջոց են պայթեցրել։ Միջադեպը գրանցվել է Վանի նահանգի Օզալփ շրջանում։ Քուրդ զինյալները նախապես պայթուցիկ են տեղադրել ճանապարհին և այն պայթեցրել են ռազմական փոխադրամիջոցի անցման պահին։ Պայթյունի հետևանքով վիրավորվել է 5 զինվորական, որոնցից 2-ը՝ ծանր։ Բացի այդ, վիրավորվել է ճանապարհով անցնող մեկ կին։ Պայթյունի հետևանքով զինվորականների մեքենան դարձել է օգտագործման համար անպիտան։