Լարի Քինգին մեղադրում են Յանուկովիչից կաշառք վերցնելու մեջ
Ամերիկացի հանրահայտ նախկին հեռուստահաղորդավար Լարի Քինգին մեղադրում են Ուկրաինայի նախկին նախագահ Վիկտոր Յանուկովիչից 225 միլիոն ԱՄՆ դոլարի չափով կաշառք վերցնելու մեջ, հայտնում է The Guardian-ը: Ինչպես ասվում է բրիտանական պարբերականի հրապարակման մեջ, Յանուկովիչը կաշառել էր Լարի Քինգին, որպեսզի նա հարցազրույց վերցնի Միկոլա Ազարովից, ով այդ ժամանակ՝ 2011 թվականի նոյեմբերին, զբաղեցնում էր Ուկրաինայի վարչապետի պաշտոնը: Լարի Քինգը Ազարովի հետ հարցազրույցից հետո գովաբանել էր նրան եւ համեմատել ԱՄՆ նախկին նախագահ Ջիմի Քարթերի հետ. «Հարցազրույցից հետո ես կնոջս ասացի, որ Ազարովը հաջողակ ամերիկյան քաղաքական գործիչ կլիներ: Նա հիշեցնում է ինձ Ջիմի Քարթերին, նա լավ տեսք ունի եւ հեշտ է նրա հետ հանդիպելը»,- ասել էր Կիեւում Քինգը՝ ուկրաինացի լրագրողների հետ զրույցում:
Հետևեք մեզ Viber-ում
