Գերմանիայում փարաջայի կրումը կսահմանափակվի

Գերմանիայի կառավարությունը քայլեր է ձեռնարկում երկրում մահմեդական փարաջայի կրումը սահմանափակելու ուղղությամբ: Գերմանիայի ներքին գործերի նախարար Թոմաս դե Մեզյերը երեկ երեկոյան հայտարարել է, որ կնոջ մարմինն ամբողջովին ծածկող հագուստը չի համապատասխանում գերմանական հասարակության արժեհամակարգին: «Մեր հասարակությունում ընդունված է ցույց տալ դեմքը»,- ասել է Մեզյերը: Վերջինս նշել է, որ դեմքը բացելն անհրաժեշտ է երկրի սոցիալական միասնության, ինչպես նաեւ անվտանգության նկատառումներից ելնելով, օրինակ, մեքենա վարելիս, քանի որ նման հագուստը փակում է տեսադաշտը: