Վտանգավոր իրավիճակ՝ Կալիֆոռնիայում. լուսանկարներ

Ավելի քան 35 հազար տների բնակիչներ են ստիպված եղել թողնել իրենց տները հրդեհների հետևանքով, որոնք մոլեգնում են ԱՄՆ Կալիֆոռնիա նահանգում, հայտնում է USA Today պարբերականը: Շատերը տարհանվելիս չեն կարողացել իրենց հետ վերցնել տնային կենդանիներին և անասուններին: Ինչպես հաղորդում է պարբերականը, տարհանել հաջողվել է շուրջ 300 կենդանու, որոնց թվում` այծեր, ձիեր, լամաներ, հավեր, կրիաներ: Հրդեհը շարունակվում է մոտ 1 շաբաթ: Վերջին տեղեկությունների համաձայն` հրդեհն ընդգրկել է ավելի քան 100 կմ քառակուսի: Հրդեհաշիջման աշխատանքներին մասնակցում է ավելի քան 1300 հրշեջ: Հաղորդվում է, որ հրդեհն արագ տարածվում է: Դրա բռնկման ճշգրիտ պատճառը դեռ հայտնի չէ: