Անտառային հրդեհների հետևանքով տասնյակ հազարավոր մարդիկ են տարհանվել
ԱՄՆ Կալիֆոռնիա նահանգի իշխանությունները ստիպված են եղել 80 հազար մարդու տարհանել Սան-Բեռնարդինո կոմսությունում անտառային խոշոր հրդեհների հետևանքով, հայտնում է Los Angeles Times-ը: Սպառնալիքի տակ է հայտնվել շուրջ 34,5 հազար տուն: Երեքշաբթի առավոտյան սկսված հրդեհն ընդգրկել է ավելի քան 6 հազար հա, հայտնում են ԶԼՄ-ները: Հրդեհաշիջման աշխատանքներին մասնակցում է շուրջ 700 հրշեջ: Հրդեհը բռնկվել է Կալիֆոռնիայի հարավը Լաս Վեգասին միացնող մայրուղիների հարևանությամբ, ինչի հետևանքով մայրուղիներից մեկը փակվել է: Հրդեհի առաջացման պատճառները հայտնի չեն:
Հետևեք մեզ Viber-ում
