«Ռիո-2016». Խուան Մարտինը հրաշալի խաղ է ցուցադրում. Մարեյ

Բրիտանացի թենիսիստ Էնդի Մարեյը, ով Օլիմպիական խաղերի կիսաեզրափակչում 6:1, 6:4 հաշվով առավելության է հասել ճապոնացի Կեյ Նիսիոկորիի նկատմամբ, գնահատել է եզրափակչում իր մրցակից արգենտիանցի Խուան Մարտին դել Պոտրոյին: «Խուան Մարտինը հրաշալի խաղ է ցուցադրում այս մրցաշարում: Անկասկած, նա վստահության մեծ չափաբաժին է ստացել՝ Նովակին հաղթելով: Դրանից առաջ դել Պոտրոն «Ուիմբլդոն»-ում առավելության էր հասել Վավրինկայի նկատմամբ: Նա վերագտել է իր մարզավիճակը դաստակի հետ ունեցած խնդիրներից հետո»,- Մարեյի խոսքերը մեջբերում է ITF պաշտոնական կայքը: Հավելենք, որ Էնդի Մարեյն ու Խուան Մարտին Դել Պոտրոն չեմպիոնի տիտղոսը կվիճարկեն այսօր՝ օգոստոսի 14-ին, ժամը 23:30: