Հալեպը հրթիռակոծվում է. զոհվել են երեխաներ

Սիրիական Հալեպ քաղաքում մշտադիտարկման առաքելություն իրականացնող խմբերի տվյալներով, Սիրիայի ռազմական օդուժի հթիռակոծության հետևանքով գրանցվել է առնվազն 51 զոհ՝ այդ թվում նաև չորս երեխա: Ինչպես հայտնում է Al Arabiya-ն, զոհերը գրանցվել են քաղաքի արևելյան մասում, որը գտնվում է ընդդիմադիրների հսկողության ներքո: Ընդդիմադիրների վերահսկողության տակ գտնվող շրջանների բժիշկները բաց նամակ են հղել ԱՄՆ-ի նախագահ Բարաք Օբամային՝ կոչ անելով էական քայլեր ձեռնարկել ու վերջ տալ բռնություններին: Նամակի տակ ստորագրած մանկաբույժները, վիրաբույժներն ու ոլորտի մյուս ներկայացուցիչները ևս մեկ անգամ ահազանգել են Հալեպում տիրող աղետալի իրավիճակի մասին: