Կաստրոյի հոբելյանի առթիվ 90 մետրանոց սիգար են փաթաթել. տեսանյութ

Կուբական հեղափոխության առաջնորդ Ֆիդել Կաստրոն, ով օգոստոսի 13-ին դառում է 90 տարեկան, որպես ծննդյան տոնի նվեր կստանա 90 մետրանոց սիգար, հայտնում է Lenta.ru-ն: Նվերը պատրաստել է սիգարային գործի վարպետ Խոսե Կաստելարը։ «Սիգարը փաթաթելու համար ես աշխատել եմ 10 օր՝ օրական 12 ժամ»,- ասել է նա։ 72-ամյա Կաստելարից մոտ 80 կգ կուբայական թութուն է պահանջվել սիգարը պատրաստելու համար։ Կաստելարը կուբայական թութունն ամենալավն է համարում աշխարհում։ Հավանայում Մեծ Բրիտանիայի դեսպանության աշխատակիցն ուղարկել է տվյալներ՝ այս սիգարը Գինեսի ռեկորդների գրքում գրանցելու համար։ Ֆիդել Կաստրոն ծխելը թողել է մոտ 30 տարի առաջ՝ առողջական խնդիրների պատճառով։