Շվեդիայի կրթության 28-ամյա նախարարը հրաժարական է տվել
Շվեդիայի կրթության նախարար Աիդա Հաջիալիչը հրաժարական է տվել այն բանից հետո, երբ ճանապարհային ոստիկանությունը, կանգնացնելով նրա վարած մեքենան արագությունը գերազանցելու համար, պարզել էր, որ նախարարը նաեւ գտնվում է ոչ սթափ վիճակում: Ինչպես փոխանցում է BBC-ն, միջադեպը տեղի է ունեցել հինգշաբթի օրը, երբ նախարարը, ով ծագումով բոսնիացի մահմեդական է, վերադառնալիս է եղել Կոպենհագենից: Մանրամասնվում է, որ Հաջիալիչը մինչեւ մեքենայի ղեկին նստելը երկու գավաթ գինի էր խմել, եւ ալկոհոլի քանակությունը նրա արյան մեջ կազմում էր 0,2 պրոմիլ: Աիդա Հաջիալիչը Շվեդիայի ամենահաջողակ քաղաքական գործիչներից է, նա 2015 թվականին 27 տարեկան հասակում հասել էր նախարարական պոստի: Նրա խոսքով, հինգշաբթի երեկոյան տեղի ունեցածն իր կյանքի ամենամեծ սխալն է:
Հետևեք մեզ Viber-ում
