«Դուք չգիտեք՝ քաղաքացիական պատերազմն ինչ է,մի´ շարունակեք».Տիգրան Ջիմբաշյան.տեսանյութ

«Վերջին տարիներին Լիբանանի հայկական համայնքը բավականին նոսրացել է՝ 250 000-ից հասնելով մոտ 100 հազարի։ Հիմնական խնդիրը նյութական ռեսուրսների պակասն է։ Չնայած դրան՝ կայուն գործում են ներհամայնքնային հաստատությունները՝ դպրոց, եկեղեցի, համալսարան»,-այս  մասին Հայելի  ակումբում  ասաց   Լիբանանի համազգային Ասլանյան դպրոցի տնօրեն Տիգրան Ջիմբաշյանը            հավելելով,որ  համայնքի  ներսում  հանգիստ է  և ներքին խնդիրներ  չկան: Անդրադառնալով  «Սասնա ծռեր» խմբի  գործողություններին,պարոն  Ջիմբաշյանը  նշեց,որ  լիբանանահայերի մի  մասը  կողմ էր,մյուս  մասը՝  ոչ:Բանախոսը  նկատեց,որ  մենք  չգիտենք՝   քաղաքացիական  պատերազմն  ինչ  է,  և  հարկավոր  է  դրանից   զերծ  մնալ: «Հայաստանի ժողովուրդը դժգոհ լինելու բոլոր պատճառներն ունի, այդ դժգոհությւոնը արդար է, որովհետև  ժողովուրդը լավ չի ապրում։ Հայաստանում անարդարությունները շատ ակնառու են: Լիբանանի հայկական համայնքը ուշադիր է Հայաստանում տեղի ունեցող վերջին իրադարձություններին, սակայն միասնական դիրքորոշում չկա»,-հայտնեց  Տիգրան  Ջիմբաշյանը:   Ավելի  մանրամասն՝  տեսանյութում