Պայքար՝ օլիգարխների դեմ
Georgia Online-ի փոխանցմամբ՝ Վրաստանի նախկին նախագահ, Օդեսայի նահանգապետ Միխեիլ Սաակաշվիլին հայտարարել է, որ իր համար Վրաստանն ու Ուկրաինան անքակտելի են, և որ մտադիր է օլիգարխների դեմ պայքարել «երկու ճակատով»: Նրա խոսքով՝ Վրաստանի ներկայիս ղեկավարը կհեռացվի իշխանությունից, քանի որ նրա ժամանակ երկրում արգելակվել են բարեփոխումները: «Ես ակտիվորեն ներգրավված եմ Վրաստանի խորհրդարանական ընտրությունների գործընթացում: Վրաստանը սկզբունքորեն կարևոր է, որ ռուս օլիգարխը, որն իրեն է ենթարկեցրել իմ երկիրը, ինչ-որ կերպ այն բաց թողնի իր ճիրաններից: Վրաստանում ներկայումս իրականում կոռուպցիա չկա պետական հիմնական ինստիտուտներում: Հարկերը ցածր են, բիզնեսը հեշտությամբ է վարվում: Այդ ամենը տեղի է ունենում իներցիայով: Սակայն զարգացման տեմպն արագորեն ընկել է: Այն փառահեղ նախագծերը, որոնց մենք սկսել ենք, կասեցված են, և մարդիկ զգում են դա»,- ասել է նա:
Հետևեք մեզ Viber-ում
