Հեղաշրջման դեմ խոշոր ցույց Ստամբուլում

Թուրքական Milliyet-ի փոխանցմամբ՝ Թուրքիայի նախագահ Ռեջեփ Թայիփ Էրդողանի հրավերով Ստամբուլի Յենիքափը հրապարակում օգոստոսի 7-ին խոշոր ցույց է տեղի ունեցել,որին մասնակցե;լու համար Թուրքիայի նախագահը  հրավիրել էր նաեւ ընդդիմադիր «Ժողովրդա-հանրապետական» եւ «Ազգայնական շարժում» կուսակցության առաջնորդներին։ Ընդդեմ հեղաշրջման հանրահավաքի ընթացքում Էրդողանը հայտարարել է, որ եթե մեջլիսն ընդունի մահապատժի մասին օրենքը, ապա ինքն անպայման կվավերացնի այն։ Թուրքական պետական Anadolu գործակալությունը հայտնել է, թե հանրահավաքին մասնակցել է 5 մլն մարդ։ Հատկանշական է, որ հանրահավաքին Էրդողանը չի հրավիրել քրդական «Ժողովուրդների դեմոկրատական» կուսակցության առաջնորդ Սելահաթին Դեմիրթաշին։