Ձնաբքի հետևանքով զոհերի թիվը 28-ն է (տեսանյութ)

Associated Press-ի  փոխանցմամբ՝ ԱՄՆ-ում հունվարի 22-ին ցկսված   առատ ձյան ու ձնաբքի պատճառով զոհերի թիվը հասել է մինչև 28 մարդու։ Ավելի վաղ հաղորդվել էր 25 զոհի մասին։ ԱՄՆ-ի 11 նահանգների իշխանությունները հայտարարել են արտակարգ դրության ռեժիմ։ Վաշինգտոնում դադարեցվել է տրանսպորտային հաղորդակցությունը, իսկ Նյու Յորքում արգելվել է փողոցներով ավտոմեքենաների անցումը։ Վաշինգտոնի, Նյու Ջերսիի ու Նյու Յորքի իշխանությունները բնակիչներին կոչ են արել դուրս չգալ փողոց։ Որոշ նահանգներում տեղացել է մինչև 70 սանտիմետր ձյուն, հոսանքազրկվել է 200.000 տուն։ Ի հայտ է եկել ուժգին ջրհեղեղների վտանգ։ Մի շարք վայրերում էլ տեղացել է ավելի քան 100 սանտիմետր ձյուն։ Դրա պատճառով սուպերմարկետներում տիեզերական արագությամբ չքացել են առաջին անհրաժեշտության պարագաները, մթերքը, ջուրը, մրգերը, բանջարեղենը ԱՄՆ-ի արևելքում չեղյալ են հայտարարվել հազարավոր ավիաչվերթներ։