Մոուրինյոն` իրեն հասցեագրված քննադատությունների մասին

«Մանչեսթեր Յունայթեդ»-ի գլխավոր մարզիչ Ժոզե Մոուրինյոն պատասխանել է իրեն հասցեագրված քննադատություններին՝ Բաստիան Շվայնշտայգերի ծառայություններից հրաժարվելու որոշման կապակցությամբ: «Մարզիչն է որոշում թիմի կազմը: Այդպես է աշխարհի բոլոր ակումբներում: Ինձ դուր է գալիս աշխատել 20 խաղացողների և 3 դարպասապահների հետ: Դա այն է, ինչ անում եմ արդեն 15 տարի շարունակ: Սակայն մենք այնքան շատ խաղացողներ ունենք, այնքան շատ մրցումներ և, մանավանդ Եվրոպայի լիգայի գավաթի խաղարկությունը: Այդ պատճառով որոշեցի աշխատել 23 խաղացողի և 2 դարպասապահի հետ: Դա շատ է: Բայց որոշումները ես եմ կայացնում: Ահա և վերջ»,- Daily Mail-ը մեջբերում է Մոուրինյոյի խոսքերը: