Հենրիխ Մխիթարյան. Բուքմեյքերների կանխատեսումը

Անգլիայում օգոստոսի 7-ին մեկնարկում է ֆուտբոլային մրցաշրջանը: Լոնդոնի «Ուեմբլի» ստադիոնում Պրեմյեր լիգայի չեմպիոն «Լեսթեր Սիթին» եւ երկրի գավաթակիր «Մանչեսթեր Յունայթեդը» կվիճարկեն Անգլիայի սուպերգավաթը: Բուքմեյքերները ֆավորիտ են համարում պորտուգալացի Ժոզե Մոուրինյոյի գլխավորած «Մանչեսթեր Յունայթեդը», որի հաղթանակի գործակիցը 1.90 է: Ոչ ոքին հիմնական ժամանակում ստացել է 3.60 գործակիցը: Իտալացի Կլաուդիո Ռանյերիի գլխավորած «Լեսթերի» հաղթանակի հավանականությունը գնահատվում է 4.50: Գերմանիայի փոխչեմպիոն Դորտմունդի «Բորուսիայից» «Մանչեսթեր Յունայթեդ» տեղափոխված Հայաստանի հավաքականի կիսապաշտպան Հենրիխ Մխիթարյանը հայտավորված է հանդիպմանը: «Լեսթեր» - «Մանչեսթեր Յունայթեդ» հանդիպումը կմեկնարկի Երեւանի ժամանակով 19:00-ին: