Թուրքիան փորձում է վերստեղծել Օսմանյան կայսրությունը
Իրաքի վարչապետ Հայդեր Ալ Աբադին հայտնել է, որ Անկարան փորձում է տարածաշրջանում վերականգնել Օսմանյան կայսրությունը, նաև կասկած է հայտնել, թե Անկարայի նպատակը «Իսլամական պետություն» ահաբեկչական խմբավորման դեմ պայքարն է: «Թուրքիան մեզ ասում է, որ ձգտում է պայքարել «Իսլամական պետություն» ահաբեկչական խմբավորման դեմ, բայց ես անկեղծ պատասխանում եմ, որ չեմ տեսնում որևէ ապացույց»,- ասել է նա՝ հավելելով, որ թուրքերը պետք է առաջնայնությունը տան ահաբեկիչների դեմ պայքարին, այլ ոչ թե քրդերի դեմ գործողություններին այս մասին գրում է panorama.am-ը՝ հղում անելով asialive.info կայքին: Իրաքի վարչապետի խոսքով, Անկարան ձգտում է տարածաշրջանում վերականգնել Օսմանյան կայսրությունը այն դեպքում, երբ Իրաքը ձգտում է լավ հարաբերություններ պահպանել հարևան Թուրքիայի հետ: Հայդեր Ալ Աբադին նաև հայտարարել է, որ անընդունելի է համարում թուրքական զորքերի ներկայությունը Իրաքի տարածքում և կոչ է արել Թուրքիային դուրս բերել զորքերը:
Հետևեք մեզ Viber-ում
