«Տիկին Մոգերինին չպետք է խոսեր այդ մասին». Էրդողան

Թուրքիայի քաղաքացիների կեսից ավելին մահապատիժ է ցանկանում: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ ելույթ ունենալով Rai-news-24-ի եթերում, փոխանցում է ՏԱՍՍ-ը: «Թուրքիայի ժողովուրդը մահապատիժ է պահանջում: Դա է ցանկանում քաղաքացիների 57 տոկոսը: Եթե խորհրդարանը այդ որոշմանը կողմ քվեարկի, դրան ոչ մեկը չի կարողանա խոչընդոտել»,- ասել է Էրդողանը: Ինչպես ասել է՝ եվրոպական արտաքին քաղաքականության հանձնակատար Ֆեդերիկա Մոգերինին չի կարող Թուրքիայի իշխանություններին մեղադրել այն բանից հետո, երբ երկրում իրականացվեց պետական հեղաշրջման փորձ: «Տիկին Մոգերինին չպետք է խոսեր այդ մասին: Նա նախ պետք է այցելեր Թուրքիա: Թուրքիայում տեղի է ունեցել ժողովրդավարության տապալման փորձ, սակայն ԵՄ-ից դեռեւս ոչ ոք չի եկել»,- նշել է նա: