Հայաստանն այլեւս առաջվանը չի լինի.քաղաքագետ
«Մոդուս Վիվենդի» վերլուծական կենտրոնի ղեկավար Արա Պապյանը՝ անդրադառնալով Ոստիկանության ՊՊԾ գնդի գրավմանը ու դրան հաջորդած իրադարձություններին,հայտարարեց ,որ հուլիսյան իրադարձություններից հետո Հայաստանում իրավիճակը փոխվել է, Հայաստանն այլեւս առաջվանը չի լինի: «Դեռ վաղ է խոսել այն մասին, թե Հայաստանը ավելի լավը, թե ավելի վատը կդառնա: Դա կախված է իշխանությունների, նախագահի քայլերից»,- շեշտել է Պապյանը: Անդրադառնալով զինված խմբի կողմից Ոստիկանոիւթյան ՊՊԾ գնդի գրավմանը, Արա Պապյանը հետեւյալ եզրակացություններն արեց.«Գործադիր իշխանություն գրեթե չենք ունեցել, միայն ոստիկանական մեթոդներ են կիրառվել: Նույնը կարելի է ասել նաեւ օրենսդիր իշխանության՝ Ազգային ժողովի մասին, բացառությամբ մի քանի պատգամավորների»: «Դա վատ է գալիք ընտրությունների ֆոնին: Իրավապահ համակարգում, անկախ զանազան դրամաշնորհներից, բարեփոխումներ չեն կատարվել, այս օրերին մարդու իրավունքների զանգվածային խախտում է եղել»- հավելել է Արա Պապյանը:
Հետևեք մեզ Viber-ում
