Մադուրոյի իմփիչմենթի վերաբերյալ առաջին քայլն արված է

BBC–ի ռուսական ծառայությունը հայտնում է ,որ  Վենեսուելայի ազգային ընտրական խորհուրդը պաշտոնապես ճանաչել է նախագահ Նիկոլաս Մադուրոյի իմփիչմենթի վերաբերյալ ընդդիմության սկսած արշավի առաջին փուլը՝հակառակորդներին հաջողվել է երկրի բոլոր 24 նահանգներում հավաքել ընտրողների 1 տոկոսի ստորագրությունները: Հիմա նրանք պետք է ստանան Վենեսուելայի ընտրողների 20 տոկոսի աջակցությունը ու հավաքեն 4 մլն ստորագրություն: Նիկոլաս Մադուրոն ընտրվել է 2013-ին վեց տարի ժամկետով: Վենեսուելայում ծանր տնտեսական ճգնաժամի պատճառով, որն առաջացել էր նավթի գների անկման ֆոնին, նկատվում է լայն սպառման ապրանքների դեֆիցիտ: Բազմաթիվ խանութների վաճառասեղանները դատարկ են, մարդիկ մի ամբողջ օր հերթ են կանգնում անհրաժեշտ ապրանքներ գնելու համար: