«Սասնա ծռեր» խմբի անդամ Հովհաննես Հարությունյանի պայմանները չեն բարելավել».փաստաբան
Hayeli.am հետ զրույցում փաստաբան Արա Պապիկյանը հայտնեց,որ «Սասնա ծռեր» խմբի անդամ Հովհաննես Հարությունյան,ով ՊՊԾ գնդում տեղի ունեցած փոխհրաձգության ժամանակ հրազենային վիրավորում է ստացել և գտնվում է «Դատապարտյալների հիվանդանոց» քրեակատարողական հիմնարկում,շարունակում է գտնվել սանիտարահիգենիկ ոչ պատշաճ պայմաններում:Նրա պայմանները չեն բարելավել: Փաստաբանը նշեց,որ «Սասնա ծռեր» խմբավորման անդամ Աշոտ Պետրոսյանը գտնվում է համեմատաբար ավելի լավ պայմաններում,ի տարբերություն Հովհաննես Հարությունյանի: Հիշեցնենք՝ փաստաբան Հայարփի Սարգսյանը եղել է հիվանդասենյակում, որտեղ մոծակներ և խավարասեր կան, սենյակի անկյուններում՝ աղբ և ավելորդ իրեր են թափված, որոնք հավաքվել են փաստաբանի զգուշացումից հետո։ Հովհաննեսը Սարգսյանին պատմել է, որ ողջ գիշեր չի կարողացել քնել, քանի որ խավարասերները բարձրացել էին բաց վերքի վրա։
Հետևեք մեզ Viber-ում
