«Պավել Մանուկյանի որդու վերքի վրա խավարասերներ են պտտվել». փաստաբան

15:50 Պավլիկ  Մանուկյանի  ու նրա որդու` Արամ Մանուկյանի փաստաբան Ինեսա Պետրոսյանն ասաց, որ  հուլիսի 27-ին է առաջադրվել մեղադրանք հայր եւ որդի մանուկյաններին: Նրանք  հրաժարվեցին ծանոթանալ մեղադրանքի բովանդակությանը, չստորագրեցին որեւէ  փաստաթղթի տակ: Ինեսա Պետրոսյանի խոսքով` որդու վիրահատությունից մի քանի ժամ հետո Արամ Մանուկյանին տեղափոխել են դատապարտյալների հիվանդանոց, որը մի մեկուսարան է: «Հետվիրահատական շրջանում Արամ Մանուկյանի կողքին որեւէ բուժաշխատող չի եղել, որ օգնի նրան: Անգամ խավարասերները  ման են եկել  Արամ Մանուկյանի վերքի վրա: Սա մարդու  իրավունքների կոնվեննցիայի 3-րդ հոդվածի խախտում է»,- ասաց փաստաբանը: Փաստաբանի խոսքով` Արամ Մանուկյանը «Էրեբունի» ԲԿ-ի ի հիվանդ է, որը թույլ չպետք  է տար, որ իր հիվանդին դուրս գրեին այդ վիճակում  եւ տանեին դատապարտյալների հիվանդանոց: