Քաղաքացիական հագուստով անձինք մարդկան բերման են ենթարկում

  21:10 Գյումրիի «Ասպարեզ»  լրագրողների ակումբի նախագահ Լևոն Բարսեղյանը քիչ առաջ Խորենացու փողոցում ելույթ ունեցավ և խոսեց բերման ենթարկվածների մասին. «Հանրահավաքը սկսվելուց առաջ խաչմերուկում երեք տարբեր քաղաքացիների դրել են մեքենան և տարել: Կա նաև տեսագրություն, իբրև թե սադրիչներ են: Դիմում եմ իրավապաշտպաններին և մարդու իրավունքների պաշտպանին, որպեսզի արագ հետամուտ լինեն` ովքեր են, ինչու են տարել: Եվ փաստաբանական օժանդակություն մատուցեն այդ մարդկանց: Այս ռեժիմը չհասկացավ, որ դա մեթոդ չէ, առանց որևէ փաստաթուղթ ցույց տալու` թևերը ոլորել, տարել են խաչմերուկից: Դա եղել է մոտավորապես ժամը 20.45-ին է եղել»: Լեւոն Բարսեղյանը ընթերցեց ցուցարարներից մեկի կողմից ուղարկված նամակը, ով առաջարկել է դիմել  ՌԴ դեսպանատանը, որ Պուտինը թույլ չտա, որ արյունահեղություն լինի. «Մարդիկ մտածում են, որ Սարգսյանը  չի որոշողը, որոշողին պետք է դիմի, միգուցե ճշմարտություն կա դրա մեջ, արդեն կասկածներ կան, որ էդ մարդը  տասն օր է քնած է, չգիտի ինչ է կատարվում երկրում, մտածում՝ էդ մարդիկ հոգնելու են, դուրս գան տարածքից»,-ասաց նա: