Եվրոպոլը `ԵՄ-ում հարյուրավոր պոտենցիալ ահաբեկիչների մասին

Գերմանական Neue Zürcher Zeitung թերթը` հղում կատարելով Եվրոպոլի ներկայացուցչին հայտնում է,որ Եվրամիության ոստիկանական ծառայությունը հայտնել է, որ Եվրոպայում ներկայում գտնվում է մի քանի հարյուր պոտենցյալ ահաբեկիչ: Խոսքը ԵՄ-ի այն իսլամիստների մասին է, որոնք ԴԱԻՇ-ի կողմից կռվել են Սիրիայում և Իրաքում ու արդեն հետ են եկել Եվրոպա: Ընդհանուր առմամբ Եվրոպոլը հաշվել է շուրջ 5 հազար այսպես կոչված «օտարերկրա զինյալների», որոնք ուղևորվել են թեժ կետեր: Նրանց մեկ երրորդը, այսինքն` 1500-1800 մարդ, վերադարձել է ԵՄ: «Նրանցից շատերը չունեն ահաբեկչական գործողություններ իրականացնելու ո´չ մտադրություն, ո´չ հնարավորություն: Այնուհանդերձ, կան հարյուրավոր պոտենցյալ ահաբեկիչներ, որոնք սպառնալիք են ներկայացնում Եվրոպայի անվտանգության համար»,- հայտնել են ԵՄ ոստիկանական ծառայությունից: