Թուրքիան դուրս մնաց
«Մեծ քսանյակի» երկրներն ամփոփիչ կոմյունիկեում չեն ներառել Թուրքիայի լեգիտիմ իշխանություններին աջակցող դրույթ՝ անտեսելով Անկարայի ջանքերը, գրում է RIA Novosti-ն` հղում անելով փաստաթղթի սևագրությանը: Այսօր Չինաստանի Չենդու քաղաքում ավարտվել է G20-ի ԿԲ ղեկավարների և ֆինանսների նախարարների երկօրյա հանդիպումը: Շաբաթ օրը գործակալության տրամադրության տակ հայտնված ամփոփիչ կոմյունիկեի սևագրությունում նախնական կետերից մեկը նվիրված է եղել Թուրքիային: «Օրենքի գերակայության ամրապնդումը հիմնականն է կայուն զարգացման համար, և մենք աջակցում ենք Թուրքիայի օրինական իշխանությանը տնտեսական կայունության և բարգավաճման ապահովման նրա ջանքերում»,- ասված էր փաստաթղթի սկզբնական տեքստում, սակայն կոմյունիկեի վերջնական տարբերակում վերոնշյալ դրույթն արդեն բացակայել է:Էկոնոմիկայի և ֆինանսների հարցով եվրահանձնակատար Պիեռ Մոսկովիսին և Ռուսաստանի ֆինանսների փոխնախարար Սերգեյ Ստորչակը հայտարարել են, որ Անկարան է հանդես եկել նշված առաջարկով, սակայն հետո հանել է իր առաջարկությունը:
Հետևեք մեզ Viber-ում
