Մինսկում հուղարկավորել են լրագրող Պավել Շերեմետին
Մինսկում երեկ հուղարկավորել են Ուկրաինայում ականված մեքենայի պայթյունից զոհված՝ անվանի լրագրող Պավել Շերեմետին: Ծագումով բելառուս 44-ամյա լրագրողը, ով նախկինում աշխատել է իր հայրենի Բելառուսում և Ռուսաստանում, վերջին շրջանում տեղափոխվել էր Կիև, թղթակցել «Ուկրաինսյակա պրավդա» լրատվական կայքին: Հուլիսի 20-ի առավոտյան նա սպանվել է այն պահին, երբ փորձել է մեքենայով մեկնել ռադիոկայան՝ իր հեղինակային հաղորդաշարը հեռարձակելու: Հուլիսի 22-ին Շերեմետի հոգեհանգստյան արարողությանը մասնակցել են մեծ թվով լրագրողներ, քաղաքական գործիչներ, այդ թվում՝ Ուկրաինայի նախագահ Պետրո Պորոշենկոն: Շերեմետի սպանության փաստով հարուցվել է քրեական գործ:
Հետևեք մեզ Viber-ում
