«Ո՞ր մեկս մեր երեխային մեզ հետ կտանեինք, ինչպես Պավլիկը տարավ».Լալա Մնացականյան.տեսանյութ
«Պավլիկը տարել է իր տղային. ո՞ր մեկս մեր երեխային կտանեինք մեզ հետ: Ուրեմն, եթե դու քո զավակին տանում ես քեզ հետ, նշանակում է՝ այլևս ոչ մի ելք չես տեսնում, որովհետև մենք հիմա պայքարում ենք մեր զավակների համար, իսկ այդ մարդը տարել է իր զավակին և ասում է՝ այստեղից դուրս չեմ գա: Ուրեմն՝ ինչքան է այդ մարդու մեջ այդ բողոքը մեծ»,-այս մասին Հայելի ակումբում ասաց դերասանուհի Լալա Մնացականյանը՝հավելելով,որ այն պահանջները, որ առաջադրվել են իշխանությանը, չի բավարարվելու, քանի որ իշխանությունները խոսում են մոտավորապես: Դերասանուհին այս ամբողջ ընդվզումը կապում Արցախի տարածքները հանձնելու հետ և ընդգծում է,որ եթե մի թիզ հող հանձնենք, անընդհատ ենք հանձնելու: «Գիտե՞ք ինչ՝ Արցախը հանձնել, նշանակում է՝ Հայաստանն արդեն հանձնել են: Սրտի մեծ ցավով ասում եմ՝ հարգելիներս, մենք նահանջելու տեղ չունենք, մեզ մնացել է 29 հազար քառակուսի կիլոմետր, մի 3-4 հազար էլ՝ Ղարաբաղը, ո՞ւր ենք փախչելու: Եթե այստեղ մնալու ենք ու մեր սերունդներին ժառանգելու ենք ստրուկի կարգավիճակ, դա էլ է մեր որոշելիքը, հիմա որոշենք»,-հայտնեց Լալա Մնացականյանը: Ավելի մանրամասն՝ տեսանյութում
Հետևեք մեզ Viber-ում
