Երբ Ռուսաստանը որոշեց խառնվել
Սիրիայում ահաբեկիչներին աջակցելու պատասխանատվությունը ընկնում է Սաուդյան Արաբիայի, Կատարի և Թուրքիայի կառավարությունների վրա, հինգշաբթի հայտարարել է Սիրիայի նախագահ Բաշար Ասադը: Այդ մասին հայտնում է Interfax-ը: «Ահաբեկիչները աջակցություն են ստանում ամբողջ աշխարհից: Սիրիայի դեմ ագրեսիային մասնակցում են հարյուրից ավելի ազգությունների զինյալներ` որոշ երկրների աջակցությամբ: Սաուդյան Արաբիան և Կատարը տրամադրում են ֆինանսական աջակցություն, իսկ Թուրքիան ահաբեկիչներին օգնում է լոգիստիկայով»,- ասել է Ասադը կուբացի լրագրողներին տված հարցազրույցում: Սիրիայի նախագահը նշել է, որ ահաբեկիչներին աջակցություն ցուցաբերվում է Արևմուտքի երկրների` հիմնականում ԱՄՆ-ի, Մեծ Բրիտանիայի, Ֆրանսիայի և նրանց մի քանի դաշնակիցների հավանության և հսկողության ներքո: Նրա խոսքով` այն ժամանակվանից, երբ Ռուսաստանը որոշել է «խառնվել հակամարտությանը հիմնականում ԴԱԻՇ-ի և ան-Նուսրայի ահաբեկիչեների դեմ պայքարում Սիրիայի բանակի օրինական աջակցության համար, կշեռքի նժարը թեքվել է ոչ ահաբեկիչների օգտին, և այժմ բանակը առաջ է շարժվում Սիրիայի տարբեր շրջաններում»: Նա նշել է, որ ՄԱԿ-ը ոչ մի դեր չի խաղում սիրիական հակամարտությունում, քանի որ այդ կազմակերպությունը գտնվում է ամերիկացիների ձեռքում: «ՄԱԿ-ը ոչ մի դեր չի խաղում սիրիական հակամարտությունում, կա միայն երկխոսություն ռուսների և ամերիկացիների միջև, և մենք գիտենք, որ ռուսները ջանասիրաբար, լրջորեն և իսկապես աշխատում են, որպեսզի ոչնչացնեն ահաբեկիչներին: Միաժամանակ ամերիկացիները միշտ խաղում են իրենց խաղերը նրանց հետ, որպեսզի օգտագործեն ահեբեկիչներին, այլ ոչ թե ոչնչացնեն»,- ասել է Ասադը:
Հետևեք մեզ Viber-ում
