Էգեյան ծովում 17 երեխա է խեղդվել
Էգեյան ծովում այսօր առավոտյան փախստականներ տեղափոխող երկու նավ է խորտակվել, մահացել է 42 մարդ, որոնցից 17-ը՝ երեխաներ։ Ռիա Նովոստիի փոխանցմամբ՝ փախստականներն ու միգրանտները Թուրքիայից մեկնում էին հունական կղզիներ, իսկ դրանից հետո պատրաստվում էին ճանապարհը շարունակել դեպի Եվրոպա: Հունական Ֆարմակոնիսի կղզու մոտակայքում փայտե լաստանավերից մեկը բախվել է ժայռերին ու խորտակվել։ Նավում եղած 49 մարդկանցից 40-ին հաջողվել է դուրս գալ ցամաք: Փրկարարներին հաջողվել է փրկել մեկ աղջկա: Ծովից դուրս է բերվել 8 դի, որոնցից 6-ը՝ երեխաների: Կալիմնոս կղզու մոտակայքում էլ մեկ այլ նավ է խորտակվել։ Այս պահին հայտնաբերվել է 34 դի, որոնցից 16՝ կին, 7-ը՝ տղամարդ, 11-ը՝ երեխա: Բազմաթիվ մարդիկ կորած են համարվում։ Դեպքի վայր մեկնած փրկարարները 26 մարդու են փրկել:
Հետևեք մեզ Viber-ում
