Հիշե՛ք իմ խոսքերը՝ ԴԱԻՇ-ը կպարտվի
ԱՄՆ-ի պետքարտուղար Ջոն Քերին վստահություն է հայտնել, որ ԴԱԻՇ ահաբեկչական խմբավորումը պարտության կմատնվի՝ փոխանցում է TASS գործակալությունը։ «Պայքարը դեռ բնավ ավարտված չԷ, բայց մենք ճիշտ ուղղությամբ ենք շարժվում,-ասել է Քերին՝ Դավոսում ելույթ ունենալով Համաշխարհային տնտեսական համաժողովում: «Հիշե՛ք իմ խոսքերը՝ ԴԱԻՇ-ը կպարտվի: Եվ առաջընթացը, որին մենք հասել ենք այդ ուղղությամբ, ոչ ոք չի կարող ժխտել»: Պետքարտուղարը նշել է, որ միջազգային կոալիցիան մոտ է այն բանին, որ լիակատար հսկողություն հաստատի թուրք-սիրիական սահմանի նկատմամբ: Ամերիկյան դիվանագիտության ղեկավարի խոսքով՝ 16 ամսվա ընթացքում կոալիցիան գրեթե 10 հազար ավիահարված է հասցրել ԴԱԻՇ-ի դիրքերին: «Մենք ցույց տվեցինք, թե որքան արդյունավետ կարող է լինել ավիահարվածների և մեր գործընկերների ցամաքային գործողությունների համակցումը»,-ասել է Քերին: «Մենք արդեն թշնամուն դուրս ենք մղել այն տարածքների 30-40 տոկոսից, որոնք ավելի վաղ նրանք վերահսկում էին»,-հավելել է նա։
Հետևեք մեզ Viber-ում
