Սիրիացի իսլամիստը ձերբակալվել է Գերմանիայում՝ «ռազմական հանցագործությունների» համար

Գերմանիայում սիրիացի իսլամիստ է ձերբակալվել՝ «ռազմական հանցագործությունների» մեղադրանքով։ Ինչպես տեղեկացնում է gazeta.ru-ն, այդ մասին հաղորդել է AFP-ն։   Ձերբակալվածը կասկածվում է «Ան-Նուսրայի ճակատ» ահաբեկչական խմբավորմանն անդամակցելու համար, որը համարվում է «Ալ-Կաիդայի» սիրիական թևը։   Ենթադրաբար, նա բանտային հսկիչ է եղել ՄԱԿ-ի առևանգված աշխատակցի համար։ «Համաձայն քննության արդյունքների՝ ձերբակալվածը եղել է «Ան-Նուսրայի ճակատ» ահաբեկչական խմբավորման անդամ։ 2013 թվականի մարտից նա իրականացրել է առևանգվածներին հսկելու պարտականությունը»,- ասված է դատախազության տարածած հաղորդագրության մեջ։