Մանչեսթեր Յունայթեդը հաղթեց

Նոր մրցաշրջանին նախապատրաստվող «Մանչեսթեր Յունայթեդն» իր առաջին ընկերական հանդիպումն անցկացրեց: Ժոզե Մոուրինյոյի թիմը հյուրընկալվեց «Ուիգանին» և 2:0 հաշվով հաղթանակ տոնեց: Հայաստանի հավաքականի կիսապաշտպան Հենրիխ Մխիթարյանն ընդգրկված էր «կարմիր սատանաների» մեկնարկային կազմում: 27-ամյա ֆուտբոլիստը մասնակցեց միայն առաջին կեսին, որի ընթացքում իր թիմում լավագույններից մեկն էր: Դրվագներից մեկում «Միկիի» փոխանցումից հետո Մեմֆիս Դեպայը մոտ տարածությունից անհասկանալիորեն շեղ հարվածեց, իսկ քիչ անց արդեն Մխիթարյանն էր նպաստավոր դիրքում, սակայն հարվածը բարձր ստացվեց: Ընդմիջմանը Մոուրինյոն 7 փոփոխություն կատարեց, այդ թվում ժամանակավորապես 10 համարի խաղաշապիկով հանդես եկով Հենրիխին: Երկրորդ խաղակեսում «կարմիր սատանաներն» արդեն օգտագործեցին իրենց պահերը: Գոլերի հեղինակ դարձան Ուիլ Քեյնը և Անդրեաս Պերեիրան: «Մանչեսթեր Յունայթեդը» հաջորդ ստուգողական մրցավեճը կանցկացնի հուլիսի 22-ին: Շանհայում անգլիական թիմը կմրցի Դորտմունդի «Բորուսիայի» հետ: