Օլանդը ժամանել է Նիս

Ֆրանսիայի նախագահ Ֆրանսուա Օլանդը եւ հանրապետության վարչապետ Մանյուել Վալսը ժամանել են Նիս: Նախագահի եւ վարչապետի ինքնաթիռների վայրէջքի կադրերն ուղիղ եթերում ցուցադրել է iTele հեռուստաալիքը: Անվտանգության նկտատառումներով՝ նախագահը եւ վարչապետը Փարիզից մեկնել են երկու տարբեր ինքնաթիռներով: Հուլիսի 15-ին ավելի վաղ նախագահը եւ վարչապետը Ելիսեյան պալատում մասնակցել են Պաշտպանության խորհրդի նիստին: Նիստի արդյունքներով հայտարարվել է Ֆրանսիայում արտակարգ դրության ռեժիմը եւս երեք ամսով երկարաձգելու, ինչպես նաեւ հուլիսի 16-ից մինչեւ 18-ը եռօրյա համազգային սուգ հայտարարելու մասին, հաղորդել է ՏԱՍՍ-ը: Հիշեցնենք, որ հուլիսի 14-ի երեկոյան Նիս քաղաքում տեղի է ունեցել ահաբեկչություն, որն ավելի քան 80 մարդու կյանք է խլել: