ՄԻԵԴ–ը դատապարտել է Ֆրանսիային հայ տղային ճամբարներում պահելու համար

ՄԻԵԴ–ը դատապարտել է Ֆրանսիային՝ երեխաներին օտարերկրացիների վարչական բնակության ճամբարներում պահելու համար, հայտնում է «Le Monde»–ն։ Նրանց թվում եղել է մեկ հայ ընտանիք։ Նախընտրական քարոզարշավի ժամանակ Ֆրանսիայի նախագահ Ֆրանսուա Օլանդը խոստացել էր վերջ դնել երեխաներին վարչական ճամբարներում պահելու պրակտիկային։ Անչափահասների համար պետք է ուրիշ բնակության վայր տրամադրեին։ Ֆրանսիայում օտարերկրացիների աջակցության Cimade ասոցիացիայի տեղեկություններով՝ 2011-2012թթ. վարչական ճամբարների թիվը պակասել է, սակայն 2015-ից դրանց թիվը նորից աճել էր։ «Ֆրանսիայում չկա այնպիսի օրենք, որը թույլ է տալիս երեխաներին անազատության մեջ պահել»,– ասել է իրավապաշտպան Ֆլոր Տերսերոն, ով ՄԻԵԴ–ում պաշտպանել է հայ ընտանիքի շահերը, որը 2-ամյա երեխայի հետ Ֆրանսիա էր մեկնել 2009-ին։ Իրավապաշտպան Ժակ Տուբոնի խոսքով՝ 2016-ի մարտի 7-ին ընդունած՝ օտարերկրյա քաղաքացիների իրավունքների մասին օրենքը հակասում է Մարդու իրավունքների եվրոպական կոնվենցիային։