Հայաստանը՝ գինեգործական ամենահայտնի երկրների ցանկում

CNN Travel-ում հրապարակվել է հոդված, որում անդրադարձ է կատարվել գինիներին ու գինեգործությանը:Հոդվածի հեղինակը հայտնի լրագրող, գրող, լուսանկարիչ եւ ճանապարհորդ Ջոն Մալատրոնասն է: նա իր հոդվածում ներկայացրել է գինեգործական ամենահայտնի երկրների ցանկը, որում ընդգրկվել է նաև Հայաստանը: Հեղինակը գրում է. «Վայոց Ձոր. Հայաստան Ինչպես որ Աստվածաշնչից հայտնի է, Հայաստանն աշխարհի առաջին երկիրն է, որտեղ սկսել են գինի արտադրել, որովհետեւ ջրհեղեղից հետո Նոյը խաղողի առաջին որթը տնկել է Արարատ լեռան վրա: Հնագետները հաստատում են, որ այնտեղ գինու արտադրություն են հայտնաբերել, որը ենթադրաբար հիմնադրվել է մոտ 6 հազար տարի առաջ: «Արենի» գինու արտադրությունը դարերով չի փոխվել: Վայոց Ձորի շրջանը Երեւանին ամենամոտն է, ուր մենք խորհուրդ ենք տալիս այցելել»: