Հասմիկ Ավետիսյանի քույրը պատմում է.ինչպես է հայտնաբերել Ավետիսյանների ընտանիքի անդամներին

Արդեն տեղեկացրել ենք,որ Ավետիսյանների սպանության գործով դատական նիստը հետաձգվել է մինչև հունվարի 29-ը: Դատարանում Ավետիսյանների սպանության գործով նիստի ընթացքում հարցաքննվեց վկա Ռիտա Պետրոսյանը: Վերջինս սպանված Հասմիկ Ավետիսյանի քույրն է, քրեական գործում ներգրավված է որպես տուժողի իրվահաջորդ: Ռիտա Պետրոսյանը պատմեց, որ հունվարի 12-ի առավոտյան գնացել է քրոջ տուն՝ սուրճ խմելու և այնտեղ հայտնաբերել է, որ դռան լուսամուտը չկա: Առաջինը տեսել է Աիդա Ավետիսյանին՝ Ավետիսյանների դստերը: Ինձ թվացել է, թե գազը պայթել է, տեսել է, որ երեսին արյուն կա,պատմում է նա: «Սենյակները մտնելով՝ վազում էի ներսից դուրս, դրսից ներս: Միայն բղավում էի, բայց ոչ մի արձագանք: Հարևանները նույնիսկ կասկածելի ձևով դուրս չեկան: Մարդ չկար, բայց արդեն ժամը 12-ին 20 պակաս էր»,- ասաց նա՝ նշելով, որ կողքի հարևաններից ոչ մեկը չի եկել, սակայն հեռավորության վրա բնակվող մարդիկ են մոտեցել: Հասմիկ Ավետիսյանի քուրը պատմեց, որ իրեն թվացել է, թե ընտանիքի անդամները գազից են խեղդվել, շտապօգնության աշխատակիցն է ասել, որ միայն փոքրի Սերյոժան շնչում է: Իրեն, սակայն, ասել են, որ «բոլորին գյուլել են, փխել են զենքով». «Կասեմ՝ ինչխ զենքով, ով պիտի գար, զնեքով խփեր: Մենք սովորական մարդիկ ենք, որ ըդպես բաների մեջ ընկած, հելած ենք: Ինչի՞ համար պիտի գան: Գողության համար հեչ բան քանդրտած չկար, որ գողություն էրած եղնեին: Ոտքերիս տակը նայեցի, սենյակը կտրող հատվածում էր, սաղ պատրոններ էին:Այդ ժամանակ հասկացել եմ, որ հրազենային վնասվածքներ ունեն հարազատները»,- ասաց վկան: