Խոշոր ավտովթար Երևան-Սևան ավտոճանապարհին. Կա 5 վիրավոր

Այսօր՝ հուլիսի 9-ին, խոշոր ավտովթար է տեղի ունեցել Կոտայքի մարզում: Ժամը 15:00-ի սահմաններում Երևան-Սևան ավտոճանապարհի 44.8-րդ կմ հատվածում՝ Հրազդանի վարչական տարածքում, բախվել են 45-ամյա Արմեն Մանուկյանի վարած Hyundai մակնիշի 34 NQ 276 համարանիշի և 27-ամյա Գևորգ Խաչատրյանի վարած Mercedes մակնիշի 25 ՍՍ 702 համարանիշի ավտոմեքենաները: Ինչպես հայտնում է Shamshyan.com-ը, վթարի հետևանքով Mercedes-ը գլխիվայր շրջվել է, իսկ վարորդ Գ. Խաչատրյանին ու նրա 4 ուղևորներին՝ 24-ամյա Սևակ Ոսկանյանին, 23-ամյա Կորյուն Պողոսյանին, 24-ամյա Արսեն Եփրեմյանին և 27-ամյա Սիրանույշ Հովհաննիսյանին մարմնական վնասվածքներով օպերատիվորեն դեպքի վայր ժամանած Հրազդանի բժշկական կենտրոնի բուժբրիգադը տեղափոխել է Հրազդանի բժշկական կենտրոն: Վթարի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի աշխատակիցները՝ վաշտի հրամանատար Արթուր Պետրոսյանի, հրամանատարի տեղակալ Երվանդ Ալեքսանյանի և դասակի հրամանատար Կարեն Ներսիսյանի գլխավորությամբ: Դեպքի վայրում հավաքվածներն ասում էին, որ վերջիններս են վիրավորներին ուղեկցել հիվանդանոց: Վթարի մասին ՃՈ օպերատիվ կառավարման կենտրոնից տեղեկությունը փոխանցել են Հայաստանի քննչական կոմիտեի Կոտայքի մարզային քննչական վարչություն, որտեղից ժամանել է քննչական խումբը՝ ավագ քննիչ Սերգեյ Երիցյանի գլխավորությամբ, ում կողմից փաստի առթիվ նյութեր են նախապատրաստվում: Քննիչի հանձնարարականով ավտոմեքենաները քարշակով տեղափոխվեցին ոստիկանության Հրազդանի բաժնի պահպանվող հատուկ տարածք: Ամբողջությամ՝ կարդացեք սկզբնաղբյուր կայքում: