Եթե դա արհամարհանք է, ապա շատ վտանգավոր է.ճարտարապետ
«Զվարթնոց» օդանավակայանի հին մասնաշենքի ապամոնտաժման խնդրին անդրադառնալով ,Ճարտարապետների միության նախագահ Մկրտիչ Մինասյանը լրագրողների հետ հանդիպմանը հայտարարեց. «Մեր նպատակն է «Զվարթնոց» օդանավակայանի հին մասնաշենքը պահպանելը:Պայմանավորվածություն ենք ձեռք բերել, որպեսզի կոնցեսիոների խումբը ևս մեկ անգամ հանդիպի ճարտարապետներին, սակայն դեռևս այդ հանդիպումը չի կայացել: Նրանք չեն ուզում հանդիպել, և եթե դա արհամարհանք է, ապա այդ վերաբերմունքը շատ վտանգավոր է: Նախապես ասվել էր, որ շենքի աշտարակային մասը, մեծ շրջագիծը աշխատելու են պահել, սակայն կյանքը ցույց է տալիս, որ փոքր քանդումները հետագայում կարող են բերել մեծ քանդումների:Դիմում ենք իշխանություններին, որպեսզի կոնցեսիոներին կարգի հրավիրեն»: «Սա առաջին դեպքը չէ, նման բազմաթիվ շենքեր այս սխեմայով արդեն կորցրել ենք»,-ասաց նա և նշեց, որ քանի որ «Զվարթնոց»–ի հին շենքը ներառված չէ պետության հուշարձանների ցանկում, դրանով այն անպաշտպան է։ Ըստ նրա՝ Մշակույթի նախարարությունն այստեղ որևէ դերակատարություն չունի:
Հետևեք մեզ Viber-ում
