Աղիքային խնդիրներով հիվանդների քանակն ավելանում է.ինֆեկցիոնիստ
Ինֆեկցիոն հիվանդությունների ամբիոնի դոցենտ, բաժանմունքի վարիչ Մելանյա Շմավոնյանը Հայելի ակումբում լրագրողների հետ հանդիպմանը տեղեկացրեց,որ նախորդ տարիների հետ համեմատած արտառոց երևույթ չկա .«Այսօր ունեինք մի հիվանդ, որ կերել էր ծիրան ու ասաց, որ մի երկու հատն էլ կերել է առանց լվանալու»: «Երբ եղանակները տաքանում են, ավելանում է աղիքային խնդիրներով հիվանդների քանակը: Բայց որ մեծ քանակով հիվանդներ ունենք՝ ոչ: Ամռանը Հայաստանում ընդունված է ավելի շատ կանաչեղեն, միրգ օգտագործելը, ու որոշ դեպքերում, մի քիչ անփութությունից, լավ չեն լվանում բանջարեղենը, կանաչեղենը, լավ չեն պահպանում սննդամթերքը, դա էլ բերում է նրան, որ աղիքային խնդիրներով հիվանդները շատանում են:Բոլոր հիվանդներին խորհուրդ ենք տալիս ձեռքերը լավ լվանալ, սնունդը առողջ մարդ պատրաստի, պատրաստված սնունդը շուտ օգատործվի:Անցյալ տարի ունեինք արդեն խմբակային հիվանդացության դեպքեր, այս տարի մենք չունենք: Առողջապահության և Գյուղատնտեսության նախարարությունների համապատասխան օղակները լավ են աշխատել, ու հիմա նման խմբակային դեպքեր չունենք»,-ասաց նա: «Բոլոր աղիքային վարակները կոչվում են նաև «կեղտոտ ձեռքերի» հիվանդություն, քանի որ սնունդը մաքուր ձեռքով չեն պատրաստում: Հիմա օրվա մեջ 1-2 մեծահասակ հիվանդներ ենք ունենում, իսկ երեխաների քանակը մի փոքր ավելի շատ է, քանի որ նրանք ավելի զգայուն են հիվանդությունների նկատմամբ: «Այսօր ունեինք մի հիվանդ, որ կերել էր ծիրան ու ասաց, որ մի երկու հատն էլ կերել է առանց լվանալու»,-նշեց Մ. Շմավոնյանը: Նա նորից շեշտեց, որ պետք է այս շոգ եղանակին ուտել թեթև սննունդ, շատ հեղուկներ օգտագործել, խուսափել՝ երշիկեղենից և ապխտած մսերից: Մ. Շմավոնյանը նաև հայտնեց, որ վարակների դեպքում հիվանդի մոտ հնարավոր է նախ լինի ջերություն և թուլություն, հետո փսխում և լուծ:
Հետևեք մեզ Viber-ում
