Հանուն ռուս զբոսաշրջիկների
Անթալիայի օդանավակայանը անվտանգության բացառիկ միջոցառումներ է կիրառել Ռուսաստանից զբոսաշրջիկների զանգվածային ժամանման պատճառով: Այդ մասին հայտնում է TASS-ը` հղում կատրելով օդանավակայանի մամլո ծառայությանը: Օդանավակայանի աշխատակիցները և ոստիկանները ստուգում են բոլոր ժամանողներին: Նրանք ուղևորներին նախազգուշացնում են, որ անվտանգության ուժեղացված միջոցառումների պատճառով այժմ ավելի շատ ժամանակ կպահանջվի տերմինալներին հասնելու համար: Դրա հետ կապված` ճանապարհորդներին կոչ են անում վաղաժամ գալ օդանավակայան: Օդանավակայանում նաև հայտնել են, որ հուլիսի 7-ից հետո սպասում են ռուս զբոսաշրջիկների զանգվածային ժամանման: Թուրքիայի ավիացիոն իշխանությունների տեղեկատվությամբ` երկու երկրների միջև չարտերային չվերթները կվերսկսվեն այդ օրը: Օդանավակայանի ներկայացուցիչները ավելացրել են, որ նույնիսկ հիմա ռուսները ժամանում են կանոնավոր չվերթներով:
