Լուիշ Նանին թուրքական «Ֆեներբահչեից» տեղափոխվել է

Պորտուգալիայի հավաքականի կիսապաշտպան Լուիշ Նանին թուրքական «Ֆեներբահչեից» տեղափոխվել է իսպանական «Վալենսիա»: 29-ամյա ֆուտբոլիստը կնքել է երեք տարվա պայմանագիր, հաղորդում է «Վալենսիայի» պաշտոնական կայքը: Ֆինանսական տվյալները չեն հրապարակվում: Անցած մրցաշրջանում Նանին «Ֆեներբահչեի» կազմում մասնակցել է 47 հանդիպման, խփել է 12 գոլ, կատարել է 13 գոլային փոխանցում: Ֆուտբոլիստն այժմ Պորտուգալիայի հավաքականի հետ Ֆրանսիայում պատրաստվում է Ուելսի դեմ Եվրո-2016-ի կիսաեզրափակիչի հանդիպմանը, որը տեղի կունենա հուլիսի 6-ին: Պորտուգալիայի հավաքականում Նանին մասնակցել է 101 հանդիպման, խփել է 20 գոլ: Եվրո-2016-ում Նանին դարձել է երկու գոլի հեղինակ: